காட்டுவனஞ்சூரில் நரசிம்ம ஜெயந்தி வைபவம்

சங்கராபுரம் அடுத்த காட்டுவனஞ்சூரில் நரசிம்ம ஜெயந்தி வைபவம் நடந்தது. நரசிம்ம ஜெயந்தியை முன்னிட்டு சங்கராபுரம் வட்டம் காட்டுவனஞ்சூர் ஸ்ரீராம ஆஞ்சநேயர் கோவில் வளாகத்தில் உள்ள ஸ்ரீ யோக நரசிம்மருக்கு பால், தயிர், இளநீர், பஞ்சாமிர்தம் உள்ளிட்ட திரவியங்களால் சிறப்பு அபிேஷக ஆராதனை நடந்தது. சிறப்பு அலங்காரத்தில் சுவாமி அருள்பாலித்தார். மகா தீபாராதனைக்கு பின் பக்தர்களுக்கு பிரசாதம் வழங்கப்பட்டது. பி.டி.ஓ., வெங்கடேச பாகவதர், மணிகண்டன் உள்ளிட்ட திரளான பக்தர்கள் பங்கேற்றனர்.