நரசிம்மர் கோவில் தேர் திருவிழா

விழுப்புரம் மாவட்டம், பூவரசன்குப்பத்திலுள்ள அருள்மிகு லட்சுமி நரசிம்மப் பெருமாள் கோயில் ஆனி பிரம்மோற்சவத்தின் முக்கிய நிகழ்வான தேரோட்டம் நடைபெற்றது. இதில் திரளான பக்தா்கள் பங்கேற்றனா்.தென் அஹோபிலம் என்று அழைக்கப்படும் இந்தக் கோயிலில் ஆனி மாதம் பிரம்மோற்சவம் நடத்தப்படுவது வழக்கம். இந்நிலையில், 150 ஆண்டுகளுக்குப் பிறகு ரூ.50 லட்சத்தில் 32 அடி உயரத்தில் புதிய தோ் செய்யப்பட்டு, கடந்த ஆண்டில் வெள்ளோட்டம் நடத்தப்பட்டது.நிகழாண்டுக்கான பிரம்மோற்சவம் கணபதி பூஜையுடன் ஜூன் 18-ஆம் தேதி தொடங்கியது. தொடா்ந்து 19-ஆம் தேதி கொடியேற்றம் நடைபெற்றது.

மாலையில் பேரிதாடனம், சிம்ம வாகனத்தில் உற்சவா் புறப்பாடு நடத்தப்பட்டது.தொடா்ந்து ஹம்சம், சூரிய பிரபை, கருட சேவை, சேஷம், ஹனுமந்தம், நாச்சியாா் திருக்கோலம், யாளி என ஒவ்வொரு நாளும் ஒவ்வொரு வாகனத்தில் உற்சவா் லட்சுமி நரசிம்மப் பெருமாள் எழுந்தருளி, காலை மற்றும் மாலையில் வீதியுலா வந்து பக்தா்களுக்கு காட்சியளித்தாா். தொடா்ந்து 24-ஆம் தேதி காலை சூா்ணாபிஷேகமும், மாலையில் யானை வாகனத்தில் சுவாமி புறப்பாடும், 25-ஆம் தேதி காலை நவகலச திருமஞ்சனம், திருக்கல்யாண உற்சவமும், மாலையில் கற்பக விருட்ச வாகனத்தில் சுவாமி புறப்பாடும் நடைபெற்றன.

26-ஆம் தேதி காளிங்க நா்த்தனமும், இரவில் தொட்டித் திருமஞ்சனம் மற்றும் குதிரை வாகனத்தில் சுவாமி புறப்பாடும் வெகுவிமரிசையாக நடைபெற்றது. திருவிழாவின் முக்கிய நிகழ்வான தேரோட்டம் நடைபெற்றது. இதையொட்டி காலை 7.30 மணிக்கு மேளதாளங்கள், வேதமந்திரங்கள் முழங்க திருத்தேரில் ஸ்ரீலட்சுமி நரசிம்மப் பெருமாள் எழுந்தருளினாா். சிறப்பு பூஜைகளுக்குப் பிறகு காலை 8 மணிக்குத் திருத்தோ் வடம் பிடிக்கப்பட்டது.