தேசிய தீயணைப்பு தினத்தை முன்னிட்டு உயிர்நீத்த வீரர்களுக்கு மரியாதை

திருச்சி மாவட்டம், லால்குடியில் உள்ள தீயணைப்பு மற்றும் மீட்புத்துறை நிலையத்தில் தேசிய தீயணைப்பு தினம் அனுசரிக்கப்பட்டது. ஆண்டுதோறும் ஏப்ரல் 14ம் தேதி தேசிய தீயணைப்பு தினம் அனுசரிக்கப்படும்.தீயணைப்பு மற்றும் மீட்பு பணியின் போது உயிர்நீத்த வீரர்களின் தியாகங்களை போற்றும் வகையில் உயிர்நீத்த வீரர்களுக்கு மரியாதை செலுத்தும் விதமாக தேசிய தீயணைப்பு தினம் கொண்டாடப்படுகிறது.

அந்த வகையில் லால்குடி தீயணைப்பு நிலையத்தில் பணியின் போது உயிர் நீத்த வீரர்களின் திருஉருவப் படத்திற்கு லால்குடி தீயணைப்பு நிலைய வீரர்கள் மாலை அணிவித்து மலர் தூவி மரியாதை செலுத்தினர்.