வித்யா நிகேதன் இன்டெல் பப்ளிக் பள்ளிக்கு தேசிய அளவிலான விருது

நாமக்கல் மாவட்டம் ராசிபுரம் அருகேயுள்ள தேங்கல்பாளையம் வித்யா நிகேதன் இன்டெல் பப்ளிக் பள்ளிக்கு கற்றல் கற்பித்தலில் சிறப்பான முறையில் செயல்பாட்டிற்கான விருது வழங்கப்பட்டுள்ளது. இடி டெக் எக்ஸ் ப்ரெய்ன்பீட் என்ற நிறுவனம் சார்பில் பல்வேறு துறையில் சிறந்து விளங்கும் பள்ளிகளுக்கான விருது வழங்கும் விழா தெலங்கானா மாநிலம் ஹைதராபாத் நகரில் நடந்தது. இதில் புதுமையான முறையில் கற்றல்-கற்பித்தல், பள்ளி வளாகத்தின் சுற்றுச் - சூழல் பராமரிப்பு, உள்கட்டமைப்பு வசதிகள், திறன்மிக்க மாணாக்கர்களை உருவாக்குதல் போன்ற காரணிகளின் அடிப்படையில் சிறந்த செயல்பாட்டிற்கான பள்ளியாக தேர்வு செய்யப்பட்ட வித்யா நிகேதன் இன்டெல் பப்ளிக் பள்ளிக்கு தேசிய அளவிலான விருது வழங்கப்பட்டது. ஹைதாராபாத் நகரில் நடைபெற்ற இதற்கான விழாவில் பள்ளி முதல்வர் முனைவர் உமா, விருதினை பெற்றுக்கொண்டார். இதனையடுத்து விருது பெற்றதற்காக பள்ளி முதல்வர், ஆசிரியர்களை பள்ளி நிர்வாகக்குழுவினர் பாராட்டினர். இது குறித்து மகிழ்ச்சி தெரிவித்த பள்ளியின் மேலாண்மைக்குழுவினர் பள்ளி குழந்தைகள் மீது தனிக்கவனம் செலுத்தி பாடங்களை கற்றுத் தருகிறோம். வாழ்க்கைக்குத் தகுந்த கல்வி மற்றும் சூழ்நிலைக்கு ஏற்ப கல்வியை மாணவர்களுக்குக் கற்றுத் தரப்படுகிறது. JEE, NEET போன்ற போட்டித் தேர்வுகளுக்கான அடிப்படை பயிற்சிகள் மற்றும் அனைத்து தேர்வுக்கான பயிற்சிகளும் மாணவர்களுக்கு கற்றுக் கொடுக்கப்படுகிறது. குழந்தைகள் பாதுகாப்பில் மிகுந்த அக்கறை செலுத்துகிறோம் என்றனர்.