தேசிய அளவிலான சிலம்பம் - காஞ்சிபுரம் மாணவர்கள் சிறப்பிடம்

கோவை மாவட்டம், கவுண்டம்பாளையத்தில், மாயோன் வீர கலைக்கூடம் சார்பில், நேஷனல் சாம்பியன் ஷிப்- 2024, தேசிய அளவிலான சிலம்பம் போட்டி நடந்தது. இதில், தமிழ்நாடு, கேரளா, கர்நாடகா, ஆந்திரா உள்ளிட்ட பல்வேறு மாநிலங்களை சேர்ந்த 500க்கும் மேற்பட்ட மாணவர்கள் பங்கேற்றனர். இப்போட்டியில், காஞ்சி வீர சிலம்பம் பயிற்சி பள்ளி ஆசிரியர்கள் தேவராஜ், குமார் தலைமையில் 40 மாணவர்கள் பங்கேற்றனர். இதில், ஒற்றை கம்பு, இரட்டை கம்பு, சுருள்வால் போட்டியில் பங்கேற்ற காஞ்சி வீர சிலம்பம் பயிற்சி பள்ளி மாணவர்கள் 11 பேர் முதல் பரிசும், 15 பேர் இரண்டாம் பரிசும், 14 பேர் மூன்றாம் பரிசும் பெற்றனர். போட்டியில் பங்கேற்று சிறப்பிடம் பெற்ற மாணவர்களை பயிற்சி பள்ளி ஆசிரியர்கள் மற்றும் பயிற்சி பெறும் பிற மாணவ- - மாணவியர் பாராட்டி வாழ்த்து தெரிவித்தனர்."