தேசிய வாக்காளர் தின வினாடி வினா - முன்பதிவு செய்யலாம்

மாவட்ட தேர்தல் அலுவலர் மற்றும் மாவட்ட ஆட்சியர் லட்சுமிபதி வெளியிட்டுள்ள செய்திக்குறிப்பு, தமிழ்நாட்டில் வாக்காளர்கள் தேர்தல் நடைமுறையில் பங்கேற்பதை அதிகரிக்கும் நோக்கில் 14 வது தேசிய வாக்காளர் தினத்தை முன்னிட்டு SVEEP திட்டத்தின்படி மாநில அளவிலான பொது மக்களுக்கு வினாடி வினா போட்டி 21-01-2024 (ஞாயிற்று கிழமை) அன்று காலை 11.00 மணி முதல் 11.15 மணி வரை நடத்துவதற்கு தலைமைத் தேர்தல் அதிகாரி மற்றும் அரசு முதன்மை செயலாளர், பொது(தேர்தல்கள்-7) துறை அவர்களால் ஏற்பாடு செய்யப்பட்டுள்ளது.

இந்த போட்டியலில் பங்கேற்க விருப்பமுள்ளவர்கள் "https://www.erolls.tn.gov.in/Quiz2024' எனும் இணையதள முகவரியில் தங்கள் பெயர் மற்றும் விவரங்களை பதிவு செய்யலாம். இப்போட்டியில் பங்கேற்க விருப்பமுள்ளவர்கள் தங்கள் விவரங்களை மேற்காணும் இணையதளத்தில் 18-1-2024 மற்றும் 19-1-2024 (2 நாட்கள் மட்டும்) ஆகிய நாட்களில் பதிவு செய்ய அனுமதிக்கப்படுவர். இதில் கலந்து கொள்வதற்கு பங்கேற்பாளரின் கைப்பேசி எண் மற்றும் மின்னஞ்சல் முகவரியானது கட்டாயமாக உள்ளீடு செய்யப்பட வேண்டும்.

இந்தியாவில் தேர்தல்கள்" என்ற தலைப்பின் அடிப்படையில் இந்த போட்டியானது நடைபெறும். மேலும் விவரங்களுக்கு மாநில உதவி மைய எண் 1800-4242-1950 மாவட்ட உதவி மைய எண் 1950க ஆகிய உதவி எண்களை தொடர்பு கொள்ளவும். எனவே, மேற்காணும், வினாடி வினா போட்டியில் பதிவு செய்து பங்கேற்றுக் கொள்ள பொதுமக்கள் கேட்டுக் கொள்ளப்படுகிறார்கள் என்று மாவட்ட தேர்தல் அலுவலர் மற்றும் மாவட்ட ஆட்சியர் தெரிவித்துள்ளார்.