ஓசூர் அருகே தூய்மை பணியாளர்கள் கௌரவிப்பு

கிருஷ்ணகிரி மாவட்டம் தேன்கனிக்கோட்டை தாலுக்கா கெலமங்கலம் ஸ்ரீ சத்யசாயி பாபா கோயில் வளாகத்தில் கோயில் நிர்வாகம் சார்பில் கெலமங்கலம் பேருராட்சியில் பணிபுரியும் தூய்மைப் பணியாளர்கள் கெளரவிப்பு நிகழ்ச்சி நடைபெற்றது.

இந்நிகழ்ச்சிக்கு கோயில் நிர்வாக குழு தலைவர் சுதிஷ் தலைமை வகித்தார். கோயில் நிர்வாக குழு செயலாளர்கள் பத்மநாபன், லட்சுமி நாராயணன், எல்லப்பா ஆகியோர் முன்னிலை வகித்தனர். கெலமங்கலம் பேரூராட்சி தலைவர் தேவராஜ் செயல் அலுவலர் சுப்பிரமணி ஆகியோர் சிறப்பு அழைப்பாளராக கலந்து கொண்டு பேசினர் நிகழ்ச்சியில் 60 தூய்மைப் பணியாளர்களுக்கு புத்தாடை மற்றும் இனிப்பு, கார வகைகள் வழங்கி கௌரவிக்கப்பட்டது.

முடிவில் அனைவருக்கும் அன்னதானம் வழங்கப்பட்டது . இந்நிகழ்ச்சியில் பலர் கலந்து கொண்டனர்.