திமுக சார்பில் நீர்மோர் பந்தல்

பாபநாசம் தெற்கு ஒன்றிய பேரூர் திமுக சார்பில் கோடைகால தண்ணீர் பந்தல் மாவட்ட ஊராட்சி குழு துணை தலைவர் முத்துச்செல்வன் பொதுமக்களுக்கு நீர்மோர் தர்பூசணி இளநீர் வழங்கி தொடங்கி வைத்தார். தஞ்சாவூர் மாவட்டம் பாபநாசம் அண்ணா சிலை அருகில் தெற்கு ஒன்றிய பேரூர் திமுக சார்பில் கோடைகால தண்ணீர் பந்தல் திறப்பு விழா நடைபெற்றது. பாபநாசம் பேரூர் செயலாளர் கபிலன் தலைமை வகித்தார் மாவட்ட துணை செயலாளர்கள் கோவி அய்யாராசு, துரைமுருகன், பாபநாசம் ஒன்றிய செயலாளர்கள் தாமரைச்செல்வன், நாசர் ஆகியோர் முன்னிலை வகித்தனர் விழாவில் தஞ்சாவூர் மாவட்ட ஊராட்சி குழு துணை தலைவரும் கும்பகோணம் மேற்கு ஒன்றிய செயலாளருமான முத்துச்செல்வன் கலந்து கொண்டு கோடை கால தண்ணீர் பந்தலை திறந்து வைத்து பொதுமக்களுக்கு நீர்மோர் தர்பூசணி இளநீர் மற்றும் குளிர்பானங்களை வழங்கி தொடங்கி வைத்தார். நிகழ்ச்சியில் பாபநாசம் பேரூராட்சி கவுன்சிலர்கள் பிரகாஷ்,தேன்மொழி உதயகுமார், முத்துமேரி மைக்கேல் ராஜ், மாவட்ட கலை இலக்கிய பகுத்தறிவு பேரவை துணை அமைப்பாளர் முபாரக் உசேன் மாவட்ட இளைஞரணி துணை அமைப்பாளர் மணிகண்டன் ஒன்றிய துணை அமைப்பாளர் மணிமாறன் பாபநாசம் ஒன்றிய துணைச் செயலாளர் கலியமூர்த்தி மாவட்ட ஒன்றிய நகர கிளைக் கழக நிர்வாகிகளும் சார்பணி நிர்வாகிகளும் உள்ளாட்சி அமைப்பு பிரதிநிதிகளும் கலந்து கொண்டனர்.