நேதாஜி சுபாஷ் சந்திரபோஸ் பிறந்த தின விழா

நாமக்கல் மாவட்டம் குமாரபாளையம் அரசு ஆண்கள் மேல்நிலைப் பள்ளியில் நேதாஜி சுபாஷ் சந்திரபோஸ் அவர்களின் 127 வது பிறந்தநாள் விழா தேசிய மாணவர் படை மற்றும் விடியல ஆரம்பம் சார்பாக கொண்டாடப்பட்டது. முதலாவதாக விடியல் ஆரம்பம் அறக்கட்டளையின் தலைவர் பிரகாஷ் மற்றும் நெசவு தொழில்நுட்ப ஆசிரியர் கார்த்தி ஆகியோர் நேதாஜியின் திருவுருவப்படத்திற்கு மாலை அணிவித்து மரியாதை செலுத்தினார்கள். இதனைத் தொடர்ந்து தேசிய மாணவர் படை, செஞ்சிலுவைச் சங்கம், சாரணர் இயக்கம், சாலை பாதுகாப்பு மன்ற மாணவர்கள் நேதாஜியின் திருவுருவப்படத்திற்கு மலர் தூவி வீரவணக்கம் செலுத்தினார்கள். மேலும் மாணவர்களுக்கு பேச்சுப்போட்டி, ஓவிய போட்டி நடத்தப்பட்டு வெற்றி பெற்ற மாணவர்களுக்கு சான்றிதழ்களும், பரிசு புத்தகங்களும் வழங்கப்பட்டன. இந்நிகழ்ச்சியில் சாரணர் சரவணன், ஜே.ஆர்.சி. கார்த்தி , ஆசிரியர்கள் கவிராஜ், தமிழரசன், ராஜா மற்றும் விடியல் ஆரம்பம் உறுப்பினர் தீனா, பள்ளி மேலாண்மை குழு உறுப்பினர் . ராஜேந்திரன் ஆகியோர் கலந்து கொண்டார்கள். இந்நிகழ்ச்சியை தேசிய மாணவர் படை அலுவலர் அந்தோணிசாமி உடன் இருந்து ஏற்பாடு செய்தார்.