சிவகாசியில் புதிய அங்கன்வாடி மையம் திறப்பு...

விருதுநகர் மாவட்டம், சிவகாசி அருகே தனியார் பள்ளிகளுக்கு ஈடாக தேவர்குளத்தில் புதிய அங்கன்வாடி மையம் திறப்பு. சிவகாசி அருகே தேவர்குளம் ஊராட்சியில் அனைத்து கிராம அண்ணா மறுமலர்ச்சி திட்டத்தின் கீழ் ரூ.13லட்சத்து 57 ஆயிரம் மதிப்பீட்ட்டில் புதிய அங்கன்வாடி மைய கட்டிடம் திறப்பு விழாவில் தேவர்குளம் ஊராட்சி மன்ற தலைவர் முத்துவள்ளி தலைமையில் ஏற்று,ஊராட்சி ஒன்றிய துணைத் தலைவர் விவேகன்ராஜ் கலந்துகொண்டு பள்ளி குழந்தைகள் பயன்பாட்டிற்கு புதிய அங்கன்வாடி மைய கட்டிடத்தை திறந்து வைத்தார்.

நிகழ்ச்சியில் ஒன்றிய கவுன்சிலர்கள், ஊராட்சி துணைத்தலைவர் ராஜேஸ்வரி, ஊராட்சி செயலாளர் அய்யனார், மேலும் பள்ளி தலைமை ஆசிரியர் தேவராஜ் மற்றும் தேவர்குளம் ஊராட்சி பொதுமக்கள் கலந்து கொண்டனர்.புதிதாக திறக்கப்பட்டுள்ள இந்த அங்கன்வாடி மையம் பெற்றோர்கள்,குழந்தைகளை கவரும் வகையில் மிகவும் கலர்புல்லாக கட்டப்பட்டுள்ளது.

எண்களின் கருப்பொருள்கள், பழங்களின் வண்ணமயமான படங்கள்,மற்றும் காய்கறிகளின் ஓவியங்கள்,பூக்கள்,மாதங்கள், நாட்களின் பெயர்கள்,தேசிய தலைவர்களின் படங்கள் மற்றும் பிற தகவல் விளக்கப்படங்கள் இடம் பெற்றிருக்கின்றன.இது குழந்தைகளையும் அவர்களது பெற்றோர்களையும் கவர்ந்து உள்ளது.