புதிய நியாய விலைக் கடை திறப்பு

புதிய நியாய விலைக் கடை திறப்பு நாகை மாவட்டம்: திருக்குவளை அருகே வாழக்கரை ஊராட்சி ஏர்வைக்காடு கிராமத்தில் புதிய நியாய விலை கடை திறப்பு விழா வெள்ளிக்கிழமை நடைபெற்றது. நாகை மாவட்டம் கீழையூர் ஒன்றியம் மேலவாழக்கரை ஊராட்சியில் மொத்தம் 545 குடும்ப அட்டைதாரர்கள் உள்ளனர். இந்நிலையில் இவ்ஊராட்சிக்கு உட்பட்ட ஏர்வைக்காடு பகுதியில் உள்ள 280 குடும்ப அட்டைதாரர்கள் பயன் பெரும் வகையில் புதிதாக நியாய விலை கட்டிடம் கட்டப்பட்டது. இதனை திருக்குவளை கல்வி வளர்ச்சி அறக்கட்டளை குழு தலைவர் சோ.பா.மலர்வண்ணன் திறந்து வைத்தார்.பின்னர் குடும்ப அட்டைதாரர்களுக்கு ரேஷன் பொருட்கள் வழங்கப்பட்டன. இந்நிகழ்வில் மேலவாழக்கரை ஊராட்சி தலைவர் கே.எஸ்.தனபாலன், வட்டார வளர்ச்சி அலுவலர்கள் வெற்றிச்செல்வன்,பாத்தி ஆரோக்கியமேரி, ஒன்றிய கவுன்சிலர் சுதா அருணகிரி, ஊராட்சி மன்ற உறுப்பினர் சண்முகராஜேஸ்வரன் உள்ளிட்ட பலர் பங்கேற்றனர்.