திருவண்ணாமலையில் புதிய தாசில்தார் பொறுப்பேற்பு

திருவண்ணாமலை புதிய தாசில்தாராக மதியாகராஜன் பொறுப் பேற்றுக் கொண்டார். மாவட்ட ஆட்சியர் முருகேஷ் உத்தரவின் பேரில் திருவண்ணாமலை தாசில்தாராக பணியாற்றி வந்த சரளா கீழ்பென்னாத்தூர் தாசில்தாராக பணியிடமாற்றம் செய்யப்பட்டார். திருவண்ணாமலை ஆட்சியரகத்தில் உள்ள தேர்தல் பிரிவில் பணியாற்றி வந்த தியாகராஜன் திருவண்ணாமலை தாசில்தாராக நியமிக்கப்பட்டதை தொடர்ந்து திருவண்ணாமலை தாலுக்கா அலுவலகத்தில் புதிய தாசில்தாராக தியாகராஜன் நேற்று பொறுப்பேற்றுக்கொண்டார். அவருக்கு மண்டல துணை வட்டாட்சியர் மஞ்சுநாதன், வருவாய் ஆய்வாளர் சுதா, கிராம நிர்வாக அலுவலர் ஏழுமலை, மற்றும் வருவாய்த்துறை அலுவலர்கள் பணியாளர்கள் நேரில் வாழ்த்து தெரிவித்தனர். இதேபோல திருவண்ணாமலை தாலுக்கா அலுவலகத்தில் தலைமையிடத்து துணை வட்டாட்சியராக முனுசாமி பொறுப்பேற்றுக்கொண்டார்.