மல்லசமுத்திரம் அரசு ஆண்கள் மேல்நிலைப் பள்ளியில் நேற்று நடந்த பள்ளி மேலாண்மைக் குழு மறு கட்டமைப்பு விழிப்புணர்வு கூட்டத்திற்கு, பள்ளியின் தலைமை ஆசிரியர் மாணிக்கம் தலைமை வகித்து, பள்ளி மேலாண்மைக் குழு மறு கட்டமைப்பு விழிப்புணர்வு கூட்டத்தின் நோக்கம் பற்றியும், மறு கட்டமைப்பு விதிமுறைகள் பற்றியும் தெளிவாக எடுத்துகூறினார். உதவி தலைமை ஆசிரியை செல்வலட்சுமி வரவேற்புரையாற்றினார். மல்லசமுத்திரம் டவுன் பஞ்., தலைவரும், பள்ளியின் பெற்றோர் ஆசிரியர் கழகத் தலைவருமான திருமலை கலந்து கொண்டு சிறப்புரையாற்றினார். பள்ளி மேலாண்மைக் குழு தலைவர் கலாமணி, உள்ளாட்சி பிரதிநிதி நிர்மலாசெல்வன் மற்றும் உறுப்பினர்கள், பெற்றோர்கள், ஆசிரியர்கள், பள்ளியின் முன்னாள் மற்றும் இந்நாள் மாணவர்கள் உள்பட பலர் கலந்துகொண்டனர். பள்ளி மேலாண்மைக் குழு உறுப்பினர்களுக்கு நினைவு பரிசுகள் வழங்கி சிறப்பிக்கப்பட்டது. இறுதியில், பள்ளி மேலாண்மைக் குழு ஆசிரியர் பிரதிநிதி கோடீஸ்வரி நன்றியுரை கூறி கூட்டத்தை நிறைவு செய்தார்.