மதுரையில் என் ஐ ஏ அதிகாரிகள் திடீர் சோதனை

மதுரை ஹாஜிமார் தெரு பகுதியில் வஹ்ததே இஸ்லாமி ஹிந்த் அமைப்பின் முன்னாள் மாவட்ட தலைவரிடம் 4 நேரம் விசாரணை நடத்திய NIA அதிகாரிகள் - செல்போன், சிம்கார்டு, மற்றும் புத்தகம் பறிமுதல். மதுரை மாநகர் ஹாஜிமார் தெரு பகுதியில் உள்ள சாமியார் சந்து பகுதியில் வசித்துவரும் வஹ்ததே இஸ்லாமி ஹிந்த் அமைப்பின் முன்னாள் மாவட்ட தலைவரான முகம்மது அப்துல் அஜிம் என்பவரது வீட்டிற்கு NIA அதிகாரிகள் இன்று அதிகாலை 6 மணிக்கு விசாரணை நடத்துவதற்காக வருகை தந்தனர். NIA அதிகாரிகள் வருகை தந்த நிலையில் அவரது வீடு பூட்டப்பட்டிருந்த நிலையில் காலை 7.30 மணிக்கு மேல் ஹாஜிமார்தெரு சாவடி எதிரேயுள்ள சந்தில் உள்ள முகம்மது அப்துல் அஜிம் அவரின் சகோதரரின் வீட்டில் இருந்த நிலையில் NIA அதிகாரிகள் அங்கு சென்று சோதனையை தொடங்கிய நிலையில் 4 மணி நேரத்திற்கு மேலாக முகம்மது அப்துல் அஜிமிடம் விசாரணை செய்து புறப்பட்டுசென்றனர். அவரிடம் முந்தைய வழக்குகள் தொடர்பாகவும், செல்லும் அழைப்புகள் மற்றும் சமூகவலைதளங்களில் செயல்பாடுகள் குறித்து விசாரணை நடத்திய பின்னர் செல்போன் மற்றும் சிம்கார்டுகள் மற்றும் புத்தகம் ஒன்றையும் பறிமுதல் செய்து சென்றனர். NIA அதிகாரிகள் சோதனை நடத்தியபோது திடீர்நகர் காவல்துறையினர் பாதுகாப்பு பணியில் ஈடுபட்டனர். NIA அதிகாரிகள் விசாரணை நடத்திய முகம்மது அப்துல் அஜிம் என்பவரது மீது விளக்குத்தூண் காவல்நிலையத்தில் கடந்த 2019 ஆம் ஆண்டு பாபர் மசூதி தொடர்பாக சுவரொட்டி ஒட்டியது தொடர்பான வழக்கு நிலுவையில் உள்ளது குறிப்பிடத்தக்கது. NIA அதிகாரிகளின் விசாரணை குறித்து பேசிய : ஹாஜிமார்தெரு முஸ்லிம் ஜமாத் செயலாளர் அயாஸ் என்பவர் பேசுகையில் : NIA அதிகாரிகள் தேர்தல் நேரம் என்பதால் இது போன்று சமூக பணிகளில் ஈடுபடும் இளைஞர்களை அலைக்கழித்து சோதனை நடத்துகின்றனர். ஊடகங்களில் தான் சோதனை குறித்து தெரிந்துகொண்டோம், மேலும் இது போன்று விசாரணை நடத்தும் ஜமாத்திடம் தெரிவித்தால் நாங்கள் விசாரணைக்கு ஒத்துழைப்போம், NIA இஸ்லாமிய இளைஞர்களுக்கு அதிகளவிற்கு தொந்தரவு அளிக்கிறது. இது வன்மையாக கண்டிக்கதக்கது. இது போன்ற இளைஞர்களை தேடிதேடி விசாரணை என அலைக்கழிக்கின்றனர் என்றார்.