நாம் தமிழர் கட்சி வேட்பாளர் வித்யாராணி வீரப்பன் தீவிர வாக்கு சேகரிப்பு

கிருஷ்ணகிரி மாவட்டம் ஊத்தங்கரையில் நாம் தமிழர் கட்சி வேட்பாளர் வித்யா ராணி வீரப்பன் தீவிர வாக்கு சேகரிப்பில் ஈடுபட்டார். அப்போது பாம்பாறு அணையின் உபரி நீரை விவசாயத்திற்கு பயன்படுத்த உரிய நடவடிக்கை எடுக்கப்படும். ஏரிகள் ஆக்கிரமிப்பு அகற்ற நடவடிக்கை எடுப்பேன். ஊத்தங்கரை அரசு மருத்துவமனையை தரம் உயர்த்த நடவடிக்கை எடுப்பேன். சிப்காட் தொழிற்சாலையில் தொகுதிக்குட்பட்ட இளைஞர்களுக்கு கல்வி, வேலை வாய்ப்பு உருவாக்கித் தருவேன் மேலும் அனைத்து அடிப்படை தேவைகளையும் நிறைவேற்றித் தருவேன் என கூறி, மைக் சின்னத்திற்கு தீவிர வாக்கு சேகரிப்பில் ஈடுபட்டார். அவருடன் நாம் தமிழர் கட்சி மாவட்ட செயலாளர் காசிலிங்கம், தொகுதி செயலாளர் ஈழமுரசு, தொகுதி பொருப்பாளர் சாந்தகுமார், பாதுகாப்பு பிரிவு மாநில பொருப்பாளர் விஸ்வா உள்பட பலர் கலந்துக்கொண்டனர்.