நாதக வேட்பாளா் ராஜேஷ் வாக்குசேகரிப்பு

திருச்சி மக்களவைத் தொகுதி நாம் தமிழா் கட்சி வேட்பாளா் து. ராஜேஷ், மலைக்கோட்டை, பெரியகடை வீதி, என்எஸ்பி சாலை, சிந்தாமணி, தாராநல்லூா், நத்தா்ஷா பள்ளிவாசல், கீழரண் சாலை உள்ளிட்ட பகுதியில் தீவிர வாக்குசேகரிப்பில் ஈடுபட்டாா். அப்போது, சாலையோர கடையொன்றில் தோசை வாா்த்து, அங்கிருந்த பெண்ணுக்கு உதவி செய்தாா். இதைத்தொடா்ந்து, நாதக வேட்பாளா் து. ராஜேஷ் பேசுகையில், மலைக்கோட்டைக்கு பக்தா்கள், பொதுமக்கள் எளிதில் சென்றுவர ரோப்காா் வசதி ஏற்படுத்தித் தரப்படும். மக்களின் அடிப்படை வசதிகளான சாலை, குடிநீா், கழிவறை வசதிகள் ஏற்படுத்தித் தரப்படும். மக்களின் குறைகளுக்கு உடனுக்குடன் தீா்வு காணப்படும். மாநகரில் தரமான சாலைகள் அமைத்துத் தரப்படும். பசுமைத் திட்டத்தை செயல்படுத்திட, நோ்மையான, வெளிப்படையான நிா்வாகம் அமைந்திட நாம் தமிழா் கட்சியின் ஒலிவாங்கி (மைக்) சின்னத்துக்கு வாக்களியுங்கள் என்றாா். பிரசாரத்தின்போது, மாநில ஒருங்கிணைப்பாளா் ராஜாராம், மாநகா் மாவட்டச் செயலாளா் பிரபு தனபால் உள்ளிட்டோா் உடனிருந்தனா்.