நர்சிங் கல்லூரி மாணவி மாயம்

தர்மபுரி மாவட்டம், பாலக்கோடு வட்டத்துக்கு உட்பட்ட மாரண்டஅள்ளி பகுதியை சேர்ந்த 15 வயது மாணவி ராயக்கோட்டையில் உள்ள தனியார் நர்சிங் கல்லூரியில் முதலாம் ஆண்டு படித்து வந்தார். நேற்று முன்தினம் காலை கல்லூரிக்கு செல்வதாக பெற்றோரிடம் கூறி சென்ற மாணவி மீண்டும் மாலை வீடு திரும்பவில்லை. இதனால் அவரது பெற்றோர் மகளை பல்வேறு இடங்களில் தேடியும் கிடைக்க வில்லை.

இதுகுறித்து அவரது பெற்றோர் மாரண்டஅள்ளி காவல் நிலையத்தில் புகார் செய்தனர். அதில் ராயக்கோட்டை பகுதியை சேர்ந்த மாதேஷ் என்ற வாலிபர் தங்களது மகளை கடத்தி சென்று இருக்கலாம் என சந்தேகிப்பதாகவும், மகளை மீட்டு தர வேண்டும் என்று அதில் கூறியிருந்தனர். இதுகுறித்த புகாரின் பேரில் காவல் துறையினர் வழக்குப்பதிவு செய்து மாணவி கடத்தப் பட்டாரா..? என்பது குறித்து விசாரணை நடத்தி வருகின்றனர்.