காவலர் வீர வணக்க நாள் அனுசரிப்பு

காஷ்மீர் மாநிலம் லடாக் பகுதியில் 1959-ம் ஆண்டு 21-ந் தேதி ராணுவத்தினர் மீது மேற்கொண்ட திடீர் தாக்குதலில் மத்திய பாதுகாப்பு படை காவலர்கள் 10 பேர் உயிரிழந்தனர். இதனை நினைவு கூறும் வகையில் ஒவ்வொரு ஆண்டும் அக்டோபர் 21-ந்தேதி ‘காவலர் வீர வணக்க நாளாக அனுசரிக்கப்படுகிறது. நாகை மாவட்ட ஆயுதப்படை வளாகத்தில் இன்று வீரவணக்க நாள் கடைப்பிடிக்கப்பட்டது.

உயிரிழந்த காவலர்களின் நினைவாக வைக்கப்பட்டுள்ள நினைவு தூண் பூக்களால் அலங்கரித்து வைக்கப்பட்டிருந்தது. நாகை மாவட்ட ஆட்சியர் ஜானிடாம் வர்க்கிஸ் நாகை மாவட்ட காவல் கண்காணிப்பாளர் ஹரிஷ் சிங் மலர் வளையம் வைத்து அஞ்சலி செலுத்தினார்.தொடர்நது கூடுதல் காவல் கண்காணிப்பாளர் , துணை காவல் கண்காணிப்பாளர்கள் , மற்றும், ஊர்க்காவல் படையினர் உட்பட அனைத்து நாகை மாவட்ட காவல்துறையினரும் மலர் வளையம் வைத்து வீரவணக்கம் செலுத்தினார்கள்.

பின்னர் மாவட்ட காவல் கண்காணிப்பாளர் அவர்களின் தலைமையில் போலீசார் உறுதிமொழி எடுத்துக்கொண்டனர் பின்பு ஆயுதப்படை காவல் ஆய்வாளரின் தலைமையில் ஆயுதப்படை காவலர்கள், வீரமரணம் அடைந்த வீரர்களுக்கு 21 குண்டுகள் 3 முறை முழங்க அஞ்சலி செலுத்தி, போலீசார் அனைவரும் 2 நிமிடம் மவுன அஞ்சலி செலுத்தினர்கள்.