அலுவலக கண்ணாடி உடைப்பு - இருவர் கைது!

திருவண்ணாமலை மாவட்டம் கரந்தை கிராமத்தில் உள்ள தனியார் கல்குவாரியில் இருந்து தினமும் ஏராளமான லாரிகள் மூலம் ஜல்லிக்கற்கள் ஏற்றி செல்லப்படுகிறது. இதனால் சாலைகள் சேதமடைந்து காணப்படுகிறது. இந்நிலையில் அதே கிராமத்தை சேர்ந்த வல்லரசு ,யுவராஜ், ஜெகதீசன் ஆகியோர் சம்பவத்தன்று நள்ளிரவில் கல்குவாரிக்குள் புகுந்து அலுவலக கண்ணாடிகளையும், அங்கிருந்த லாரிகளின் கண்ணாடிகளையும் உடைத்துள்ளனர். இதுகுறித்த புகாரின் பேரில் தூசி போலீசார் வழக்குப்பதிவு செய்து வல்லரசு, யுவராஜ் ஆகியோரை கைது செய்து, ஜெகதீசனை தேடி வருகின்றனர்.