விவசாய பண்ணைகளில் அதிகாரிகள் நேரில் ஆய்வு

பழநி அருகே தொப்பம்பட்டி வட்டாரத்தில் திண்டுக்கல் மாவட்ட வேளாண் இணை இயக்குநர் அனுஷியா, மாவட்ட வேளாண் துணை இயக்குநர் (மாநில திட்டம்) காளிமுத்து, தொப்பம்பட்டி வேளாண் உதவி இயக்குநர் அப்துல் காதர் ஆகியோர் திருச்சி அன்பில் தர்மலிங்கம் வேளாண் கல்லூரி மற்றும் ஆராய்ச்சி நிலைய மாணவர்கள் மற்றும் வேடசந்தூர் எஸ்ஆர்எஸ் வேளாண் மாணவர்களுடன் இணைந்து விவசாய பண்ணைகளுக்கு நேரில் சென்று பார்வையிட்டனர்.பின்னர் நெல்லியை வத்தலாக மதிப்புக்கூட்டி வெளிநாடுகளுக்கு ஏற்றுமதி செய்வது குறித்து விவசாயிகள், மாணவர்களுடன் கலந்துரையாடினர்.