திருவள்ளூர் அருகே கார் மோதி மூதாட்டி பலி

திருத்தணி தாலுகா, ராமலிங்காபுரம் கிராமத்தைச் சேர்ந்தவர் கோவிந்தம்மாள், 61. இவர் நேற்று மாலை தனது தங்கை மகன் விஷ்ணுகுமாருடன் சென்னை-திருப்பதி தேசிய நெடுஞ்சாலையில் 'ஹூரோ ஹோண்டா ஸ்பிளண்டர்' இருசக்கர வாகனத்தில் அமர்ந்து சென்றார். புதுார் அருகே சென்ற போது. பின்னால் வந்த கார் இருசக்கர வாகனம் மீது மோதியதில் கட்டுப்பாட்டை இழந்து இருவரும் சாலையில் விழுந்து காயமடைந்தனர்.

அவர்களை மீட்ட வாகன ஓட்டிகள் திருவள்ளூர் அரசு மருத்துவமனைக்கு, 108 ஆம்புலன்ஸ் வாயிலாக சிகிச்சைக்காக அனுப்பி வைத்தனர். தலையில் பலத்த காயமடைந்த கோவிந்தம்மாள் மருத்துவமனையில் உயிரிழந்தார். விஷ்ணுகுமார் சிகிச்சையில் உள்ளார். கனகம்மாசத்திரம் போலீசார் வழக்கு பதிந்து விசாரிக்கின்றனர்.