பெண்ணுக்கு கொலை மிரட்டல் - முதியவர் கைது

தூத்துக்குடி அருகே உள்ள முத்தையாபுரம் பொன்னாண்டி நகர் 4-வது தெருவை சேர்ந்த முருகன் மனைவி செல்வி (36). முருகன் ஓட்டப்பிடாரத்தில் ஒரு கம்பெனியில் வேலை பார்த்து வருகிறார். இவரது எதிர் வீட்டில் குடியிருந்து வரும் போஸ் (65) கடந்த 2 வருடங்களாக செல்வியிடம் தொடர்ந்து பிரச்சினை செய்து வருவதாக கூறப்படுகிறது.

இந்நிலையில் நேற்று முன்தினம் மாலையில் செல்வியின் வீட்டின் முன்பு போஸ் குப்பைகளை கொட்டியதாக கூறப்படுகிறது. இதனை தட்டி கேட்ட செல்வியை அவர் அவதூறாக பேசி, கொலை மிரட்டல் விடுத்துள்ளார். இது குறித்த புகாரின் பேரில் முத்தையாபுரம் போலீஸ் சப்- இன்ஸ்பெக்டர் சுந்தரம் வழக்குப்பதிவு செய்து போஸை கைது செய்தார்.