மதுவில் விஷம் கலந்து குடித்த தொழிலாளி சாவு

சேலம் மாவட்டம், கொண்டலாம்பட்டி அருகே உள்ள பூலாவரி அக்ரஹாரம் பகுதியை சேர்ந்தவர் பெரியண்ணன் (வயது 50), தொழிலாளி. இவர் குடும்ப பிரச்சினை காரணமாக மதுவில் விஷம் கலந்து குடித்துவிட்டு வீட்டுக்கு வந்து மயங்கி விழுந்தார். இதைக்கண்டு அதிர்ச்சி அடைந்த அக்கம்பக்கத்தினர் அவரை மீட்டு சேலம் அரசு மருத்துவமனையில் சேர்த்தனர்.

அங்கு சிகிச்சை பலனின்றி பெரியண்ணன் பரிதாபமாக இறந்தார். சம்பவம் குறித்து கொண்டலாம்பட்டி போலீசார் வழக்குப்பதிவு செய்து விசாரணை நடத்தி வருகின்றனர்.