தென்காசி : நடந்து சென்ற பெண் தவறி விழுந்து பலி

தென்காசி மாவட்டம், சங்கரன்கோவில் முத்துராமலிங்கத் தெருவை சேர்ந்த காசிராஜன் மனைவி பாக்கியலட்சுமி (52) இவர் ஓடத் தெருவில் நடந்து சென்ற போது தவறி விழுந்து காயம் ஏற்பட்டது. இதைக் கண்ட அப்பகுதி பொதுமக்கள் பாக்கியலட்சுமி மீட்டு சங்கரன்கோவில் அரசு மருத்துவமனைக்கு சிகிச்சைக்காக அனுமதித்தனர்.

அங்கு மேல் சிகிச்சைக்காக திருநெல்வேலி அரசு மருத்துவமனைக்கு சேர்க்கப்பட்டார். அங்கு சிகிச்சை பலனின்றி பரிதாபமாக உயிரிழந்தார். இதுகுறித்து சங்கரன்கோவில் டவுன் போலீசார் வழக்கு பதிவு செய்து விசாரணை மேற்கொண்டு வருகின்றனர்.