சேலம் அருகே விபத்தில் முதியவர் சாவு

சேலம் சீலநாயக்கன்பட்டி இந்திரா நகர் பணத்தான் காட்டை சேர்ந்தவர் மாரியப்பன் (வயது 74). இவர் காட்டூர் பிரிவில் உள்ள டீக்கடைக்கு நடந்து சென்றார். அப்போது அந்த வழியாக வந்த வாகனம் அவர் மீது மோதி விட்டு நிற்காமல் சென்று விட்டது. இதில் தூக்கி வீசப்பட்ட முதியவர் படுகாயம் அடைந்தார். அக்கம் பக்கத்தினர் அவரை மீட்டு சேலம் அரசு மருத்துவமனைக்கு அனுப்பி வைத்தனர்.

டாக்டர்கள் பரிசோதித்த போது முதியவர் வழியிலேயே இறந்து விட்டது தெரியவந்தது. இந்த விபத்து குறித்து கொண்டலாம்பட்டி போலீசார் வழக்குப்பதிவு செய்து விசாரணை நடத்தி வருகின்றனர்.