புன்னம் அருகே பைக்கில் இருந்து விழுந்து முதியவர் பலி

கரூர் மாவட்டம், புகலூர் தாலுகா புன்னம் அருகே உள்ள சடையம்பாளையம் பகுதியைச் சேர்ந்தவர் கோவிந்தசாமி வயது 70. இவர் பிப்ரவரி 7ஆம் தேதி காலை 7 மணி அளவில், ஈரோடு- கரூர் சாலையில் அவரது டூவீலரில் சென்று கொண்டு இருந்தார். இவரது வாகனம் குட்ட கடை பகுதியில் உள்ள கே.எம்.எஸ். வே பிரிட்ஜ் அருகே வேகமாக சென்றபோது, வாகனம் கட்டுப்பாட்டை இழந்து கீழே விழுந்து விபத்து ஏற்பட்டது.

இந்த விபத்தில் கோவிந்தசாமிக்கு தலையில் பலத்த காயம் ஏற்பட்டது. உடனடியாக அவரை மீட்டு, கோவையில் உள்ள அரசு மருத்துவக் கல்லூரி மருத்துவமனையில் சிகிச்சைக்காக அனுமதித்தனர்.

அங்கு கோவிந்தசாமியை பரிசோதித்த மருத்துவர்கள், அவர் ஏற்கனவே உயிரிழந்த விட்டதாக தெரிவித்தனர். இந்த சம்பவம் அறிந்த கோவிந்தசாமி மனைவி பழனியம்மாள் வயது 67 என்பவர், இது குறித்து காவல்துறையினருக்கு அளித்த புகாரின் பேரில், சம்பவ இடத்தில் விசாரணை மேற்கொண்ட காவல் துறையினர்,

உயிரிழந்த கோவிந்தசாமி உடலை உடற்கூறு ஆய்வுக்காக, அதே மருத்துவக் கல்லூரியில் உள்ள சவக்கிடங்குக்கு அனுப்பிவைத்து, இது தொடர்பாக வழக்கு பதிவு செய்து விசாரணை மேற்கொண்டு வருகின்றனர் வேலாயுதம்பாளையம் காவல்துறையினர்