சேலத்தில் வாகனம் மோதி முதியவர் பலி !

சேலம் தாதம்பட்டியை சேர்ந்தவர் நாகராஜன் (வயது 78). சம்பவத்தன்று இவர் அந்த பகுதியில் உள்ள சாலையை கடக்க முயன்றார். அப்போது அந்த வழியாக வந்த அடையாளம் தெரியாத வாகனம் மோதியது. இதில் தூக்கி வீசப்பட்ட அவருக்கு பலத்த காயம் ஏற்பட்டது. இதனால் ரத்த வெள்ளத்தில் அவர் உயிருக்கு போராடினார். அங்கிருந்தவர்கள் அவரை மீட்டு சேலம் அரசு ஆஸ்பத்திரிக்கு சிகிச்சைக்கு அனுப்பி வைத்தனர். அவரை டாக்டர்கள் பரிசோதித்த போது முதியவர் ஏற்கனவே இறந்தது தெரிந்தது. இது குறித்து அம்மாபேட்டை போலீசார் வழக்குப்பதிவு செய்து விசாரணை நடத்தி வருகின்றனர்.