தியாகதுருகத்தில் பைக் மோதி மூதாட்டி பலி

கள்ளக்குறிச்சி மாவட்டம் தியாகதுருகம் அடுத்த தென்னீறிகுப்பம் கிராமத்தைச் சேர்ந்தவர் சந்திரன் மனைவி கோவிந்தம்மாள், 60; இவர் கடந்த 16ம் தேதி இரவு 8:00 மணிக்கு தியாகதுருகம் செல்லும் சாலையோரம் நடந்து சென்று கொண்டிருந்தார். அப்போது பின்னால் வந்த பஜாஜ் டிஸ்கவர் பைக், கோவிந்தம்மாள் மீது மோதியது. படுகாயமடைந்த கோவிந்தம்மாள் கள்ளக்குறிச்சி மருத்துவக்கல்லுாரி மருத்துவமனைக்கு கொண்டு செல்லும் வழியில் இறந்தார். புகாரின்பேரில், தியாதுருகம் போலீசார் வழக்குப் பதிந்து விசாரித்து வருகின்றனர்.