உலக சைக்கிள் தினத்தை முன்னிட்டு  காங்கேயத்தில் சைக்கிள் பேரணி

உலக சைக்கிள் தினத்தை முன்னிட்டு காங்கேயத்திலுள்ள தனியார் அமைப்பினர் சார்பில் சைக்கிள் பேரணி நடத்தப்பட்டது. இப்பேரணியை காங்கேயம் ஊராட்சி ஒன்றிய குழு தலைவர் டி. மகேஷ்குமார் தலைமை தாங்கி துவக்கி வைத்தார்.

இப்பேரணி சுமார் 10 கிலோ மீட்டர் தொலைவிற்கு காங்கேயம் ஊராட்சி ஒன்றிய அலுவலகத்திலிருந்து துவங்கி சிவன்மலை வரை சென்று மீண்டும் காங்கேயம் ஊராட்சி ஒன்றிய அலுவலகத்தில் வந்து முடிவடைந்தது. இந்த பேரணியில் சுமார் 100க்கும் மேற்பட்டவர்கள் கலந்து கொண்டு சைக்கிள்‌ பேரணியை நடத்தினர்.

மேலும் இந்த நிகழ்ச்சியில் காங்கேயம் முதல் அயோத்தி வரை 2400 கீலோ மீட்டர் சைக்கிள் பயணம் மேற்கொண்ட தனியார் அமைப்பை சேர்ந்த தமிழரசனுக்கு பாராட்டு தெரிவிக்கப்பட்டது.