ஓமலூர் அருகே உலக கண் பார்வை தின கொண்டாட்டம்

சேலம் மாவட்டம், ஓமலூர் அருகே உள்ள ஆர்சி செட்டிப்பட்டி செயின்ட் ஜோசப் தனியார் கண் மருத்துவமனையில் உலக கண் பார்வை தினத்தை முன்னிட்டு 50ஏழை எளிய நோயாளிகளுக்கு கண் அறுவை சிகிச்சை செய்யப்பட்டது. இதையடுத்து அறுவை சிகிச்சைக்கு உதவிய மருத்துவமனை நிர்வாக இயக்குனர் விமல், அமெரிக்க தமிழ் மருத்துவ சங்க இயக்குனர் டாக்டர் ராஜம்மாள் ஜெயக்குமார், ரேவ் ரிஜினால்டு மற்றும் பெஞ்சமின் ஆகியோருக்கு நன்றி தெரிவித்தனர். மேலும் இந்த நிகழ்ச்சியில் செயின்ட் ஜோசப் மருத்துவமனை சிஇஓ ஷ்யாம், பொதுமேலாளர் ஷீலா, மருத்துவர்கள் ஜெயபிரகாஷ், நிவாஸ் செங்கோட்டையன் உள்ளிட்ட பலர் கலந்து கொண்டு மெழுகுவர்த்தி ஏந்தி கடவுளுக்கு நன்றி தெரிவித்தனர்.