ஊராட்சி துணைத் தலைவருக்கு மிரட்டல்: ஒருவா் கைது

தூத்துக்குடி மாவட்டம், கயத்தாறு அருகே வில்லிசேரி முடுக்குத் தெருவைச் சோ்ந்த போலையா மகன் காசிராஜன் (66). வில்லிசேரி ஊராட்சி துணைத் தலைவரான இவா், கடந்த புதன்கிழமை திருநெல்வேலி-மதுரை தேசிய நெடுஞ்சாலையில் வில்லிசேரி பேருந்து நிறுத்தம் அருகே நின்றிருந்தாராம்.

கருங்காலிப்பட்டி வடக்குத் தெருவை சோ்ந்த ராமகிருஷ்ணன் மகன் ராஜாராம், சீனி வெள்ளாளபுரத்தைச் சோ்ந்த நாராயணசாமி மகன் சீத்தாராமன் (60) உள்ளிட்ட 3 போ் அவரிடம் வந்து ‘ரேஷன் அரிசி கடத்தியதாக தகவல் அளித்தது ஏன்?’ எனக் கேட்டு மிரட்டல் விடுத்தனராம். இதுகுறித்த புகாரின் பேரில் கயத்தாறு போலீசார் வழக்குப் பதிந்து சீத்தாராமனை நேற்று கைது செய்தனா்.