தோழர் களம் அமைப்பின் சார்பில் ஒரு நாள் பயிற்சி பட்டறை

சின்னதாராபுரத்தில் தோழர் களம் அமைப்பின் சார்பில் ஒரு நாள் பயிற்சி பட்டறை நடைபெற்றது. கரூர் மாவட்டம், சின்னதாராபுரத்தில் தோழர் களம் அமைப்பின் சார்பில் ஒரு நாள் பயிற்சி பட்டறை "தோழர் களம் கட்டமைப்பு மற்றும் இணையதள பயன்பாடும்" என்ற தலைப்பில் நேற்று நடைபெற்றது. இந்நிகழ்வு தோழர் களம் நிறுவனத்தலைவர் தி.க.சண்முகம் தலைமையுல் நடைபெற்றது. மாநில அவைத்தலைவர் ராஜகோபால், மாநில கொள்கைபரப்பு செயலாளர் செல்வம், தோழர் களம் இணை ஆசிரியர் மு.சே.ர ஆகியோர் முன்னிலை வகித்தனர். பெரியாரிய சிந்தனையாளர் பெரியார் சரவணன் கருத்துரை வழங்கினார். இந்நிகழ்வில். தோழர் களம் மாதம் இருமுறை நாளிதழ் வெளியிடப்பட்டது. இதில் மாநில மாவட்ட ஒன்றிய நிர்வாகிகள் பலர் கலந்து கொண்டனர். நிகழ்ச்சியை தொடர்ந்து வருகின்ற பாராளுமன்ற தொகுதியில் கரூர் மாவட்ட பாராளுமன்ற தொகுதி பொறுப்பாளர் செல்வி.செ. ஜோதிமணி அவர்களுக்கு தமது முழு ஆதரவை அளித்து தோழர்கள் பிரச்சார பணியில் ஈடுபட வேண்டும் என்றும், இந்தியா கூட்டணியை வெற்றி பெற செய்ய பாடுபட வேண்டும் என்றும் தலைவர் தி.க.சண்முகம் தோழர்களுக்கு வழிகாட்டுதல் வழங்கினார். இந்நிகழ்வில் தலைமை நிலைய செயலாளர் முனைவர் தமிழன் சு.கவின்குமார் நன்றியுரை ஆற்றினார்.