சாலை விபத்தில் ஒருவர் பலி - ஒருவர் காயம் !

திருமயம் அருகே புலிக்குளம் அகதிகள் முகாமை சேர்ந்த அந்தோணிராஜ் மற்றும் ஜான்சன் ஆகிய இருவரும் தேவகோட்டைக்கு சென்று விட்டு தங்களது ஊருக்கு இருசக்கர வாகனத்தில் திரும்பும்போது காரைக்குடி அருகே சூரக்குடி திருச்சி - ராமேஸ்வரம் தேசிய நெடுஞ்சாலையில் சாலையை கடக்க முயன்றபோது, கார் மீது இருசக்கர வாகனம் அதி பயங்கரமாக மோதிய விபத்தில் அந்தோணிராஜ் என்பவர் சம்பவ இடத்திலேயே பலியானார். ஜான்சன் என்பவர் படுகாயத்துடன் காரைக்குடி தனியார் மருத்துவமனையில் அனுமதிக்கப்பட்டு சிகிச்சை பெற்று வருகிறார். விபத்து நடந்தபோது சிவகங்கை சட்டமன்ற உறுப்பினர் பி.ஆர் செந்தில்நாதன் அவ்வழியாக வந்துள்ளார். உடனடியாக படுகாயம் அடைந்தவரை தனியார் மருத்துவமனைக்கும், இறந்தவரை அரசு மருத்துவமனைக்கும் உடற்கூறு ஆய்விற்கு அனுப்பி வைத்துள்ளார்‌. இதுகுறித்து குன்றக்குடி காவல் துறையினர் வழக்கு பதிவு செய்து விசாரணை செய்து வருகின்றனர் .