சேர்ந்தமரம் அருகே கார் விபத்தில் ஒருவர் பலி

தென்காசி மாவட்டம் புளியங்குடி அருகே புளியங்குடி குலசேகரமங்கலம் சேர்ந்தவர் காசிராஜன் (23). இவருக்கு திருமணம் ஆகி ஒரு குழந்தை உள்ளது. காசிராஜன் தனது மனைவியின் ஊரான பாறை குளத்திற்கு சென்று விட்டு மீண்டும் ஊருக்கு திரும்பி வந்து கொண்டிருந்தார். அப்போது வீரசிகாமணி அருகே கார் வந்து கொண்டிருந்த பொழுது நிலைதடுமாறி அருகில் உள்ள ஓடைக்குள் கவிழ்ந்ததில் காசிராஜன் சம்பவ இடத்திலேயே உயிரிழந்தார். தகவல் அறிந்த போலீசார் உடலை மீட்டு அரசு மருத்துவமனைக்கு பிரேத பரிசோதனைக்காக அனுப்பி வைத்தனர். இது குறித்து சேர்ந்தமரம் போலீசார் விசாரணை நடத்தி வருகின்றனர்.