கடம்பூர் மலைப்பகுதியில் காட்டு பன்றி தாக்கி ஒருவர் படுகாயம்

ஈரோடு மாவட்டம், சத்தியமங்கலம் அடுத்த கடம்பூர் மலைக்கிராமம் குன்றி பண்ணையத்தூர் பகுதியை சேர்ந்த பொம்மன் (64), ஆடு மாடு மேய்த்து வருகிறார். இவர் நேற்று வழக்கம் போல் குன்றி பண்ணையத்தூர் வனப்பகுதியை ஓட்டிய பகுதியில் ஆடு, மாடு மேய்த்து கொண்டு உள்ளார்.அப்போது புதர் மறைவில் இருந்த வந்த காட்டு பன்றி ஒன்று வேகமாக வந்து தாக்கியதில் அவர் படுகாயம் அடைந்தார். பலத்த காயமடைந்த பொம்மனை அங்கிருந்தவர்கள் மீட்டு ஆம்புலன்ஸ் மூலம் சத்தி அரசு மருத்துவமனைக்கு சிகிச்சைக்காக அனுப்பிவைத்தனர். டாக்டர்கள் அவருக்கு சிகிச்சை அளித்து வருகின்றனர். கடம்பூர் போலீஸார் விசாரித்து வருகின்றனர்.