தமிழ்நாடு கிராம வங்கி கிளை தென்காசியில் திறப்பு

தமிழ்நாடு கிராம வங்கியின் 657-ஆவது கிளை தென்காசியில் திறக்கப்பட்டது. ரயில் நிலையம் அருகே அமைந்துள்ள இவ் வங்கிக் கிளையின் திறப்பு விழாவுக்கு, வங்கியின் பொது மேலாளா் வாசுதேவன் தலைமை வகித்தாா்.

மாவட்ட ஆட்சியா் துரை.ரவிச்சந்திரன் திறந்து வைத்து குத்துவிளக்கேற்றினாா். இவ் விழாவில் 116 பயனாளிகளுக்கு சுய உதவி குழு கடன், தொழில்கடன், பிரதமரின் சாலையோர வியாபாரிகள் கடன் (ஸ்வா நிதி), வீட்டுக்கடன் என ரூ.1 கோடியே 13 லட்சம் கடனுதவிகளை வழங்கினாா். கிளை மேலாளா் அஜித் செல்வன் நன்றி கூறினாா்.