கங்கைகொண்ட சோழபுரத்தில் அதிமுக சார்பில் தண்ணீர் பந்தல்கள் திறப்பு

அரியலூர் மாவட்டம், மீன்சுருட்டி மற்றும் கங்கைகொண்ட சோழபுரம் பகுதிகளில் அதிமுக சார்பில் கோடைக்கால தண்ணீர் பந்தல்கள் திறப்பு நிகழ்ச்சி நடைபெற்றது. மேற்கண்ட பகுதிகளில் நடைபெற்ற நிகழ்ச்சியில், கலந்து கொண்ட அதிமுக மாவட்டச் செயலாளரும், முன்னாள் அரசு தலைமைக் கொறடாவுமான தாமரை எஸ்.ராஜேந்திரன், கோடைக்கால தண்ணீர் பந்தல்களை திறந்து வைத்து பொதுமக்களுக்கு நீர்மோர், தர்பூசணி, வெள்ளரி, தண்ணீர் ஆகியவற்றை வழங்கினார்.

நிகழ்ச்சியில்,அக்கட்சியின் மாவட்ட அவைத் தலைவரும், முன்னாள் சட்டப் பேரவை உறுப்பினருமான ஜே.கே.என்.ராமஜெயலிங்கம், மாவட்ட துணைச் செயலர் தங்கப்பிச்சமுத்து, ஜெயங்கொண்டம் தெற்கு ஒன்றியச் செயலர் கல்யாணசுந்தரம், ராஜாரவி, இரா.கோகுல் மற்றும் தா.பழூர் கிழக்கு ஒன்றியச் செயலர் வைத்தியநாதன், அசோகன், ஜெயங்கொண்டம் நகரச் செயலர் செல்வராஜ் உள்ளிட்டோர் கலந்து கொண்டனர்.