மேல்நிலை நீர்த்தேக்க தொட்டி கட்டுமான பணி - பீலா வெங்கடேசன் ஆய்வு

மேல்நிலை நீர்த்தேக்க தொட்டி பணிகளை மாவட்ட கண்காணிப்பு அலுவலர் பீலா வெங்கடேசன் ஆய்வு. கிருஷ்ணகிரி மாவட்டம், ஓசூர் மாநகராட்சிக்குட்பட்ட ஜுஜுவாடியில் 15 வது நிதிக்குழு மானியத்தின் கீழ் ரூ. 2 கோடியே 50 இலட்சம் மதிப்பில் புதியதாக கட்டப்பட்டு வரும் 10 இலட்சம் லிட்டர் கொள்ளவு கொண்ட மேல்நிலை நீர்த்தேக்க தொட்டி கட்டுமான பணிகளை மாவட்ட கண்காணிப்பு அலுவலர் மற்றும் அரசு முதன்மை செயலர், எரிசக்தி துறை மரு. பீலா வெங்கடேசன் , கிருஷ்ணகிரி மாவட்ட ஆட்சித்தலைவர் கே. எம். சரயு முன்னிலையில் நேரில் பார்வையிட்டு ஆய்வு பணிகளை மேற்கொண்டார். உடன் ஒசூர் மாநகராட்சி ஆணையர் சினேகா, ஓசூர் சார் ஆட்சியர் பிரியங்கா ஆகியோர் பார்வையிட்ட நிலையில் துறை சார்ந்த அலுவலர்கள் உடன் இருந்தனர் .