இருசக்கர வாகனம் மோதி பாதயாத்திரை பக்தர் காயம்

மதுரை மாவட்டம் கொட்டாம்பட்டியை சேர்ந்தவர் யோகநாதன் (38). இவர் தனது உறவினர்களுடன் பழனிக்கு பாதயாத்திரையாக சென்று கொண்டிருந்தார். ஞாயிற்றுக்கிழமை இரவு நத்தம் அருகே ஊராளிபட்டிபிரிவு பகுதியில் வந்து கொண்டிருந்த போது பின்னால் வந்த இருசக்கர வாகனம் அவர் மீது மோதியது. இதில் பலத்த காயமடைந்த யோகநாதன் நத்தம் அரசு மருத்துவமனையில் சேர்க்கப்பட்டு பின்னர் மேல் சிகிச்சைக்காக மதுரை அரசு மருத்துவமனைக்கு அனுமதிக்கபட்டுள்ளார். இச்சம்பவம் குறித்து போலீஸார் வழக்கு பதிவு செய்து விசாரணை நடத்தி வருகின்றனர்.