ஆத்தூரில் நெல் சாகுபடி மும்முரம்

ஆத்துார், சித்தையன்கோட்டை பகுதியில் முதல் போக நெல் சாகுபடி மும்முரமாக நடக்கும் நிலையில் வயல்வெளிகளில் பச்சை கம்பளம் விரித்தார் போன்று காட்சியளிக்கின்றன.மாவட்டத்தின் நெல் சாகுபடி பகுதிக்கான பட்டியலில் ஆத்துார், சித்தையன்கோட்டை, அக்கரைப்பட்டி, நரசிங்கபுரம், அழகர்நாயக்கன்பட்டி, போடிக்காமன்வாடி பகுதிகளுக்கு முக்கியத்துவம் உண்டு.பாசன கண்மாய்களுக்கான வாய்க்கால்களில் கணிசமான தண்ணீர் வரத்து தொடர்கிறது.

புல்வெட்டி கண்மாய் உட்பட சில கண்மாய்கள் நிரம்பி மறுகால் செல்கிறது.இச்சூழலை பயன்படுத்தி இப்பகுதியில் முதல் போக நெல் சாகுபடி மும்முரமாக நடக்கிறது.