பணியின் போது தவறி விழுந்த பெயிண்டர் உயிரிழப்பு !

குமரி மாவட்டம் குலசேகரம் அருகே உள்ள செருப்பாலூர் பகுதியை சேர்ந்தவர் சற்குணம் என்பவர் மகன் கனகராஜ் (45) பெயிண்டர் ஆக வேலை பார்க்கிறார். இவர் நேற்று ராஜாக்கமங்கலம் அருகே உள்ள பைரவா குடியிருப்பு பகுதியில் உள்ள ஒரு வீட்டில் பெயிண்ட் வேலைக்கு சென்றுள்ளார். அங்கு பெயிண்ட் அடிப்பதற்காக போடப்பட்டிருந்த சாரத்தில் நின்று கனகராஜ் வேலை செய்து கொண்டிருந்தார். அப்போது எதிர்பாராதவிதமாக நிலை தடுமாறி அவர் தவறி கீழே விழுந்தார். இதில் தலை, கழுத்து பகுதியில் பலத்த காயம் ஏற்பட்டது. உடன் வேலை செய்து கொண்டிருந்தவர்கள் அவரை மீட்டு ஆசாரிப்பள்ளம் அரசு மருத்துவக் கல்லூரி ஆஸ்பத்திரிக்கு கொண்டு சென்றனர். அங்கு கனகராஜை பரிசோதித்த டாக்டர்கள் அவர் ஏற்கனவே இறந்து விட்டதாக தெரிவித்துள்ளன. இது குறித்து தகவல் அறிந்து வந்த கனகராஜன் உறவினர்கள் ராஜாக்கமங்கலம் போலீசில் புகார் செய்தனர். போலீசார் வழக்கு பதிவு செய்து விசாரித்து வருகின்றனர்.