ஆதிகேசவ பெருமாள் கோவிலில் பங்குனி திருவிழா 12ல் துவக்கம்

திருவட்டார் ஆதிகேசவ பெருமாள் கோவிலில் பங்குனி, ஐப்பசி மாதங்களில் 10 நாட்கள் திருவிழா கொண்டாடப்படுவது வழக்கம். அதன்படி இந்த ஆண்டுக் கான பங்குனி திருவிழா வருகிற 12-ந்தேதிதொடங்குகிறது.அதிகாலை 5 மணிக்கு ஹரி நாம கீர்த்தனம், 7 மணிக்கு சிறப்பு அபிஷேகம், வழிபாடு, காலை 8.45 மணியில் இருந்து 9.30 மணிக்குள் வாத்தியங்கள் முழங்க கருட இலச்சினை பொறிக்கப்பட்டகொடியேற்றம் நிகழ்ச்சி நடக்கிறது.

மாலை 6.30 மணிக்கு தீபாரா தனை, இரவு 9 மணிக்கு சுவாமி நாற்காலி வாகனத் தில் பவனி வந்து அருள்பாலிக்கிறார்.விழா நாட்களில் தினமும் சுவாமி விதவிதமான வாகனத் தில் பவனி வரும் நிகழ்ச்சியும்,சமய சொற்பொழிவு போன்ற பல நிகழ்ச்சிகளும் நடைபெறு கிறது. 16-ந் தேதி இரவு 8 மணிக்கு கிருஷ்ணன் சன்னதி யில் கொடியேற்றும் நிகழ்ச்சி நடைபெற உள்ளது.

20-ந் தேதி இரவு 8.30 மணிக்கு சிறப்பு நாதஸ்வர இன்னிசை கச்சேரி, இரவு 9.30 மணிக்கு சுவாமி கருட வாகனத்தில் பள்ளிவேட்டைக்கு எழுந்தருளல், நள்ளிரவு 12 மணிக்கு கிராதம் கதகளியும், 21-ந் தேதி அன்று மாலை 5.30 மணிக்கு கருட வாகனத்தில்சுவாமி ஆராட்டுக்கு மூவாற்றுமுகம் ஆற்றுக்கு எழுந்தருளல் நிகழ்ச்சி தொடங்குகிறது.

பின்னர் கழுவன்திட்டை, தோட்டவாரம் வழியாக சுவாமி ஊர்வலமாகச் சென்று ஆராட்டு நிகழ்ச்சியில் பங்கேற்கிறது. பிறகு அங்கிருந்து கோவி லுக்கு சுவாமி திரும்புதலும், நள்ளிரவு 1 மணிக்கு குசேல் விருத்தம் கதகளியும் நடக் கிறது. விழா ஏற்பாடுகளை கோவில் நிர்வாகத்தினரும், பக்தர்களும் செய்துள்ளனர்.