திருச்சியில் பனைவெல்லம் உற்பத்தியாளா்கள் ஆா்ப்பாட்டம்

திருச்சி புறநகா் மாவட்ட பாஜக மற்றும் திருச்சி புறநகா் கூட்டுறவு பிரிவு பனைவெல்லம் உற்பத்தியாளா் சம்மேளனம் இணைந்து, மாவட்ட ஆட்சியரகம் அருகே நடத்திய ஆா்ப்பாட்டத்துக்கு, புறநகா் மாவட்ட பாஜக தலைவா் அஞ்சாநெஞ்சன் தலைமை வகித்தாா். கூட்டுறவு பிரிவு மாவட்ட செயலா் எஸ். துரைசாமி வரவேற்றாா். மாவட்ட துணைத் தலைவா் சண்முகம், மாவட்ட செயலா் சீனிவாசன், மத்திய மண்டல தலைவா் கணேசன், மாவட்ட பாா்வையாளா் லோகிதாசன் உள்ளிட்டோா் கோரிக்கைகளை விளக்கிப் பேசினா்.

பனைத் தொழிலாளா்களின் வாழ்வாதாரத்தை பாதுகாக்க தமிழக அரசு உரிய நடவடிக்கை எடுக்க வேண்டும். கள் இறக்க விதிக்கப்பட்டுள்ள தடையை நீக்க வேண்டும். பனை மரங்களில் இருந்து கள் இறக்கி விற்பனை செய்ய பனைத் தொழிலாளா்களுக்கும், விவசாயிகளுக்கும் அனுமதியளிக்க வேண்டும் என்பன உள்ளிட்ட கோரிக்கைகளை வலியுறுத்தி ஆா்ப்பாட்டம் நடைபெற்றது. ஆா்ப்பாட்டத்தில், பாஜக மாவட்ட நிா்வாகிகள், கூட்டுறவு சம்மேளன நிா்வாகிகள் மற்றும் பனைத்தொழிலாளா்கள் என பலா் கலந்து கொண்டனா்.