பண்ணாரி மாரியம்மன் குண்டம் விழா; வரும் 26ம் தேதி உள்ளூர் விடுமுறை

ஈரோடு மாவட்டம் சத்தியமங்கலம் பண்ணாரியிலுள்ள அருள்மிகு பண்ணாரி மாரியம்மன் கோயில், குண்டம் திருவிழாவை முன்னிட்டு வருகிற 26 ம் தேதி ஈரோடு மாவட்டத்தில் உள்ள அனைத்து அரசு அலுவலகங்கள் மற்றும் கல்வி நிறுவனங்களுக்கும் உள்ளூர் விடுமுறை அளிக்கப்படுகிறது.

கல்லூரி / பள்ளிகளில் தேர்வுகள் ஏற்கனவே அறிவிக்கப்பட்டிருந்தால், இந்த விடுமுறை அறிவிப்பு பொருந்தாது எனவும். தேர்வுகள் முன்கூட்டி அறிவித்தபடி நடைபெறும் எனவும் தெரிவிக்கப்படுகிறது. மேலும், பாராளுமன்ற தேர்தல்- 2024 தொடர்பான பணிகள் மேற்கொள்ளும் அலுவலர்களுக்கு இந்த விடுமுறை அறிவிப்பு பொருந்தாது தெரிவிக்கப்படுகிறது. இந்த விடுமுறையை ஈடு செய்யும் பொருட்டு, ஈரோடு மாவட்டத்தில் உள்ள அனைத்து அரசு அலுவலகங்கள் மற்றும் கல்வி நிறுவனங்களுக்கு 30.03.2024சனிக்கிழமை அன்று பணி நாளாக அறிவிக்கப்படுகிறது.