பாபநாசம் :குறுவை நெல் சாகுபடி நடவு பணிகளில் விவசாயிகள் மும்முரம்

பாபநாசம் தாலுக்காவில் குறுவை சாகுபடிக்கான பணிகளில் விவசாயிகள் ஈடுபட்டு வருகின்றனர் குறுவை சாகுபடி ஆயிரக்கணக்கான ஏக்கரில் அதிகமாக நடைபெற்று வருகிறது அதன்படி தற்போது பம்பு செட்டு மோட்டார் வைத்திருக்கும் விவசாயிகள் அதற்கான பணிகளில் ஈடுபட்டு வருகிறார்கள். விவசாயிகள் உழவுப் பணி, பாய் நாற்றங்கால் தயாரிக்கும் பணிகளில் ஈடுபட்டு வருகின்றனர். தற்போது பெரும்பாலான வயல்களில் எந்திரம் ஆட்கள் மூலம் நடவு பணிகள் நடக்கிறது.

இதேபோல் பம்பு செட்டு தண்ணீரை சார்ந்திருக்கும் விவசாயிகள் குறுவை சாகுபடியில் ஈடுபட தொடங்கி உள்ளனர். எனவே குறுவை நெல் சாகுபடிக்கான உரம் மற்றும் இடுபொருள்கள் விவசாயிகளுக்கு தட்டுப்பாடு இன்றி கிடைக்கவும் வினியோகம் செய்யவும் சம்பந்தப்பட்ட அதிகாரிகள் நடவடிக்கை எடுக்க வேண்டும் இதனால் விவசாயிகள் குறுவை நெல் சாகுபடியில் நல்ல மகசூல் காண வாய்ப்பு ஏற்படும் என தெரிவித்தனர்