காய்கறி மார்க்கெட்டில் வாக்கு சேகரித்த பாரிவேந்தர்

வருகின்ற நாடாளுமன்றத் தேர்தலில் பாஜக கூட்டணியில் ஐஜேகே வேட்பாளர் பாரிவேந்தர் பெரம்பலூர் பாராளுமன்ற தொகுதியில் போட்டியிடுகிறார். பெரம்பலூர் பாராளுமன்ற தொகுதிக்குட்பட்ட 6 சட்டமன்ற தொகுதிகளில் தனது பிரச்சாரத்தை தொடங்கி வாக்குகளை சேகரித்து வருகிறார். இந்நிலையில் நேற்று முசிறி சட்டமன்ற தொகுதியில் தனது பிரச்சாரத்தை தொடங்கினார்.

அப்போது முசிறியில் தேர்தல் பணிகளுக்காக தேர்தல் அலுவலகத்தை திறந்து வைத்து பின்னர் காய்கறி மார்க்கெட்டில் வியாபாரிகள்,பொதுமக்களிடம் வாக்கு சேகரித்தார்.அப்போது கடந்த ஐந்தாண்டுகளில் எம் பி ஆக இருந்தபோது நான் கொடுத்த வாக்குறுதிகளை நிறைவேற்றியதாகவும் தனது சொந்த நிதியில் பல்வேறு நலத்திட்டங்கள் தொகுதிக்கு மக்களுக்கு செய்து கொடுத்தது குறித்தும் வியாபாரிகள் பொதுமக்களிடம் எடுத்து கூறி துண்டு பிரசுரங்களை கொடுத்து வாக்கு சேகரித்தார்.

இந்த தேர்தல் பரப்புரையில் பாஜக, பாமக, தமாகா, ஐஜேகே மற்றும் கூட்டணி கட்சி நிர்வாகிகள் தொண்டர்கள் உடன் இருந்தனர்.