மாற்று கட்சியினர் பாஜகவில் இணையும் விழா!

தூத்துக்குடி வடக்கு ஒன்றிய பாரதிய ஜனதா கட்சி சார்பில் மாற்றுக் கட்சியினர் பாஜகவில் இணையும் விழா மாநில துணை தலைவர் சசிகலா புஷ்பா தலைமையில் வடக்கு மாவட்ட தலைவர் வெங்கடேசன் சென்ன கேசவன் முன்னிலையில் நடைபெற்றது. வடக்கு ஒன்றிய தலைவர் செல்வராஜ் வரவேற்புரை ஆற்றினார். இதில், தெற்கு திமுக மாவட்ட பிரதிநிதி அஜய் கோஸ், மாப்பிள்ளையூரணி காங்கிரஸ் ஊராட்சி செயலாளர் வேல்ராஜ், காங்கிரஸ் ஒன்றிய மகளிர் அணி தலைவி பழனியம்மாள், 2வது வார்டு அதிமுக பொருளாளர் பால்ராஜ், அதிமுக மருத்துவர் காலனி கிளைச் செயலாளர் செல்வகுமார், உள்ளிட்ட திமுக, அதிமுக, காங்கிரஸ் கட்சிகளை சேர்ந்த நிர்வாகிகள் 150க்கும் மேற்பட்டோர் பாஜகவில் தங்களை இணைத்துக் கொண்டனர். நிகழ்ச்சியில் வடக்கு மாவட்ட பொதுச் செயலாளர் கிஷோர் குமார், ஓட்டப்பிடாரம் சட்டமன்ற தொகுதி தேர்தல் பொறுப்பாளர் வீரமணி, அமைப்பாளர் லிங்கராஜ், வடக்கு ஒன்றிய தலைவர் செல்வராஜ் மற்றும் பாஜக நிர்வாகிகள் பலர் கலந்து கொண்டனர்.