தஞ்சை : பெரியார் நினைவு நாள் அனுசரிப்பு 

தஞ்சாவூரில், பெரியார் சிலைக்கு திராவிடர் கழகம் சார்பில் மாலை அணிவித்து மரியாதை செலுத்தும் நிகழ்ச்சி நடைபெற்றது. இதில், திராவிடர் கழக மாவட்டத் தலைவர் வழக்குரைஞர் அமர்சிங், பொதுச் செயலாளர் ஜெயக்குமார், மண்டல தலைவர் அய்யனார், மார்க்சிஸ்ட் கம்யூனிஸ்ட் கட்சி சார்பில் மாவட்டச் செயலாளர் சின்னை.பாண்டியன், மாவட்டச் செயற்குழு உறுப்பினர் என். சரவணன், மாவட்டக் குழு உறுப்பினர் என்.குருசாமி, மாநகரச் செயலாளர் வடிவேலன், ஒரத்தநாடு ஒன்றியக் குழு வெங்கடேசன், இந்திய கம்யூனிஸ்ட் கட்சி மாவட்டச் செயலாளர் முத்து.உத்திராபதி, திராவிட முன்னேற்றக் கழக மாவட்டச் செயலாளர் துரை. சந்திரசேகரன் எம்எல்ஏ, தஞ்சாவூர் எம்.எல்.ஏ. டி.கே.ஜி நீலமேகம், மாநகரச் செயலாளரும், தஞ்சை மாநகராட்சி மேயருமான சண். ராமநாதன், மாவட்ட நிர்வாகி து.செல்வம், மதிமுக மாவட்ட செயலாளர் தமிழ்ச்செல்வன், மாநகர செயலாளர் துரை சிங்கம், காங்கிரஸ் கட்சி ஜோசப், வயலூர் ராமநாதன், பழனியப்பன் மற்றும் பல்வேறு கட்சிகள், அமைப்புகளின் நிர்வாகிகள் கலந்து கொண்டனர்.

இதேபோல் பேராவூரணியில், ஆவணம் சாலை முக்கத்தில் உள்ள தந்தை பெரியார் சிலைக்கு பல்வேறு கட்சிகள், அமைப்புகளின் சார்பில், மாலை அணிவித்து மரியாதை செலுத்தப்பட்டது. திராவிடர் கழகம் சார்பில் மாவட்டச் செயலாளர் மல்லிகை வை.சிதம்பரம், திராவிடர் விடுதலைக் கழகம் சார்பில் பரப்புரை செயலாளர் பால்.பிரபாகரன் ஆகியோர் மாலை அணிவித்தனர். இந்நிகழ்ச்சியில், பேராவூரணி சட்டப்பேரவை உறுப்பினர் நா.அசோக்குமார், திமுக தலைமை பொதுக்குழு உறுப்பினர் அ.அப்துல் மஜீத், விவசாயிகள் அணி மாவட்டச் செயலாளர் குழ.செ.அருள்நம்பி, திமுக இலக்கிய அணி செயலாளர் ஆனந்தராஜ், இளைஞர் அணி நீலகண்டன், திராவிடர் கழகம் நீலகண்டன், திராவிடர் விடுதலைக் கழகம் மாவட்ட அமைப்பாளர் சித. திருவேங்கடம், இந்திய கம்யூனிஸ்ட் கட்சி ஜெயராஜ், ராஜமாணிக்கம், மார்க்சிஸ்ட் கம்யூனிஸ்ட் கட்சி வீ.கருப்பையன், ஆர்.எஸ்.வேலுச்சாமி, மதிமுக பாலசுப்பிரமணியன், காங்கிரஸ் கட்சி சேக் இப்ராஹிம்ஷா, தமிழ் வழி கல்வி இயக்கம் வெங்கடேசன், பழனிவேல் மற்றும் பல்வேறு அமைப்புகளில் நிர்வாகிகள் திரளாக கலந்து கொண்டனர்.