பெரியசெவலை ஊராட்சி ஒன்றிய தொடக்கப்பள்ளி ஆண்டு விழா

விழுப்புரம் மாவட்டம் திருவெண்ணெய்நல்லூர் அருகே உள்ள பெரியசெவலை கிராமத்தில் உள்ள ஊராட்சி ஒன்றிய தொடக்கப்பள்ளியில் ஆண்டு விழா நடைபெற்றது. இதற்கு தலைமை ஆசிரியர் மகேஸ்வரி தலைமை தாங்கினார். ஊராட்சி மன்ற தலைவர் வீரப்பன், துணை தலைவர் ரோஸ்மா, ஒன்றியகவுன்சிலர் ஜெயந்திசக்திவேல் ஆகியோர் முன்னிலை வகித்தனர். விழாவில் வட்டார கல்வி அலுவலர் அம்பிகா, போலீஸ் சப்-இன்ஸ்பெக்டர் சவுந்தர்ராஜன் ஆகியோர் சிறப்புரை ஆற்றினார்கள். விழாவையொட்டி நடைபெற்ற பேச்சு, கட்டுரை உள்ளிட்ட பல்வேறு போட்டிகளில் வெற்றிபெற்ற மாணவ-மாணவிகளுக்கு பரிசு வழங்கி கவுரவித்தனர். இதில் ஆசிரியர்கள் சசிகுமார், சுமதி, வானதி, ரவிச்சந்திரன் மற்றும் மாணவ-மாணவிகள், பெற்றோர்கள் கலந்து கொண்டனர்.