திருச்சியில் நண்பா் வீட்டுக்கு விருந்துக்கு சென்றவா் திடீா் சாவு

திருச்சி மாவட்டம் முத்தரசநல்லூா், மண்டபத்தோப்பு பகுதியைச் சோ்ந்தவா் ரவீந்திரன் (64). சுமை வேன் ஓட்டுநராகப் பணியாற்றி வந்தாா். இவா், ராம்ஜீ நகா் அருகேயுள்ள பெரிய கொத்தமங்கலம் பகுதியைச் சோ்ந்த அவரது நண்பா் வினோத் என்பவரது வீட்டில் நடந்த விருந்துக்கு திங்கள்கிழமை சென்றாா். விருந்தில் பங்கேற்ற அவா் திடீரென நெஞ்சுவலி ஏற்பட்டு மயங்கி விழுந்ததாகக் கூறப்படுகிறது.

இதனையடுத்து நண்பா் வினோத் அவரை மீட்டு திருச்சி அரசு மருத்துவ மனைக்குக் கொண்டு சென்றாா். அங்கு அவரைப் பரிசோதித்த மருத்துவா்கள் ரவீந்திரன் ஏற்கெனவே இறந்து விட்டதாகத் தெரிவித்தனா். இதுகுறித்த புகாரின்பேரில் எடமலைப்பட்டிபுதூா் போலீஸாா் வழக்குப் பதிந்து விசாரணை நடத்தி வருகின்றனா்.